Snapchat Plus: Huduma ya kulipia kutoka Snap kuanza hivi karibuni.

Snapchat Plus: Huduma ya kulipia kutoka Snap
Snap, kampuni inayomiliki mtandao wa kijamii maarufu wa Snapchat imethibitisha kuwa kwa sasa inajaribu huduma mpya ya usajili kwa watumiaji wake. Huduma hii mpya imepewa jina la Snapchat Plus (Snapchat+), huduma ya usajili wa kulipia ambayo itaweza kutoa huduma za kipekee za wanachama, icons za programu, na beji maalum kwa watumiaji. Angalia maelezo hapa chini!

Majaribio ya huduma ya kulipia ya Snapchat Plus

‎Ingawa huduma hii imethibitishwa na Snap Inc, kuna maelezo ya ziada machache kutoka kwa chanzo rasmi. Kwa bahati nzuri, Kwa mujibu wa Alessandro Paluzzi, ambaye ni msanidi programu, ameshea maelezo kiasi kuhusu huduma hiyo. Anasema kwamba wale ambao‎‎ wamejiandikisha watapata ufikiaji wa huduma ambazo bado hazipatikani kwenye jukwaa.

Hii inaweza kutoka kwa huduma za kipekee zinazopatikana tu kwa wanachama wa huduma hii hadi vitu zaidi vya majaribio, au hata utendaji wa kabla ya kutolewa.

Kulingana na screenshots na maelezo yaliyotumwa kwenye Twitter na msanidi programu Alessandro Paluzzi, inaonesha kuwa Snap pia inafanyia majaribio vipengele vingine vya Snapchat Plus, pamoja na uwezo wa kubandika mmoja wa marafiki zako kama “#1 BFF” yako, badilisha icon ya programu, na uone ni nani anayeangalia tena hadithi zako. Paluzzi pia ameandika kuwa bei ya Snapchat Plus kwa sasa imeorodheshwa kama dola za Marekani 4.84 kwa mwezi na Dola za Marekani 48.50 Kwa mwaka.

SOMA:   iOS 15 na iPadOS 15 zaachiwa: mambo 7 mapya unayotakiwa kuyafahamu

So… by subscribing to #Snapchat+ you can:
1️⃣ Pin a friend as a #1 BFF
2️⃣ Get access to exclusive Snapchat icons
3️⃣ Display a badge in your profile
4️⃣ See your orbit with BFF
5️⃣ See your Friend’s whereabouts in the last 24 hours
6️⃣ See how many friends have rewatched your story

— Alessandro Paluzzi (@alex193a) June 16, 2022

Snapchat sio jukwaa pekee la mitandao ya kijamii linaloingia kwenye kutoa huduma za kulipia kwani mitandao mingine kama Telegram inapanga kuanzisha usajili wa kulipwa mwezi huu unaoitwa Telegram Premium. Mwaka jana, Twitter ilizindua usajili wa kila mwezi wa kulipwa unaoitwa Twitter Blue ambayo inaruhusu watumiaji kubadilisha uzoefu wao na kupata huduma za malipo.

 

Avatar of alexander nkwabi
Alex ni mhariri mwandamizi hapa Mtaawasaba.com, kwa kipindi kirefu amekuwa akivutiwa na mfumo endeshi wa Android na michezo ya kompyuta. Alex akiwa haandiki hapa Mtaawasaba basi hupendelea kupiga picha, kusafiri na kusoma vitabu.
Subscribe
Notify of
guest
0 Comments
Inline Feedbacks
View all comments